Hääschdnerisch esch normal nur was fer Hääschdner, awwer wänns sunschd
känner kann, dann hälft uns des äch nid weirer, doher sollens die Turischde ruich äch
lärne wense uns verschdey welle. Am beschde lernschd´s wend´s laud lääse duschd. Veel
Schbass debei.
Für Hochdeutschsprechende Menschen, unbedingt vorher den Web Speech Reader
downloaden. Dieser liest Ihnen die Seiten vor. Einfach Klasse - und fer alle Hääschdner,
wand des herschd wie ä Hochdeitscher versucht Hääschdnerisch zu bable - Du lachschd
dich kabudd.
Downloadmöglichkeit über unsere Seite Hauensteiner
Vergangenheit.
Die Weihnachtsgeschichte von Charles Dickens über Ebenezer Scrooge und Bob
ins Hääschdnerische übersetzt. Hier klicken
Die Hääschdner Sproch, s´esch werklich wor,
kummd in de Wäld blous ähmol vor.
(Zitat vum Keller Heiner)
Hell unn piffig
urich unn kniffig
Kää Daach ohne Wertshaus
krakeelig bis dortnaus
Iwwer alles räsonniere
bei jedem Wort dischbediere,
unn dorschtig wie ä Mälzer:
des esch a echter Pälzer.
(Postkartenzitat)
| A |
| äch |
Des esch ä wichdiches Word in Hääschde un hääsd soveel wie
"auch" |
| äbbes |
Sow ähnlich wie "etwas" |
| äichere |
uff hochdeitsch hääsd des "ärgern" |
| Abbord |
Des esch ä WC |
| awa |
Inäh un näh esch s gleiche un hääsd uff Hochdeitsch "nein" |
B |
| Bääm |
dovunn gäbt´s veel im Wald s´sinn "Bäume" gemänd |
| babble |
des duhn alle Hääschdner wann se was saache - "reden" |
| Beddsäächer |
Mei Mudder machd sogor Salad draus, obwohl die Leid sachen do pingle sogor
die Hämmel druff. Awwer des Grienzeich werd jo gewesche bevor mer´s ässd. Uff
Hochdeitsch hääsds "Löwenzahn" und "Löwenzahnsalat" bei uns hald Beddsäächersalad |
| Bleesl |
Ä Bleesel kanschd an de Gosch ha, orrer du hebbschders an de Mund un dann
esch es äh Mundharmoniga |
| Blooder |
Wand zuveel im Wald rumgrennd beschd un unneyriche Päddelscher gedroore
haschd dann grichschd manchemol äh Blooder an die Fies. Die Turis sachen dozu "Ich
habe mir eine Blase gelaufen" Sieschd gschied der grad recht heschd gscheide Schuh
vunn Häschde an de Fieß ded der das nidd bassiere. |
| Butzle |
die wachsen an de Bääm awwer nur uff Dannebääm, es sinn domid
"Tannenzapfen" gemäänd. |
C |
| |
mid "C" gäbbts noch nix |
D |
| dabber |
s´gleiche wie schnell, orrer weirer unne dummle |
| defuu |
glingd chinesisch esch awwer hääschdnerisch un hääsd uff hochdeitsch
"davon" |
| die digg Ääch |
Muschd gsähne ha, des esch ä saudigger Bääm korz vor de Pälzer Wald
Hitt |
| dummle |
sich beeile, man kan äch sache schnell sei |
| dimmle |
eigendlich hästs s´dimmeld was das geliche esch wie es had gedunnerd,
meischedens blitzt es noch dezu |
| dorschd |
des hänn alle Hääschnder, un hääsd uff hochdeitsch "durst" |
E |
| Elwedridsch |
Oh Jesses nä suchd Du die äch? Die kinne awwer äch bleed sei die das
noch nidd wisse dass es die nur in de ..... gäbbd. Faschd hed ichs verroore. |
F |
| Faawer Streesl |
Dord wu heid die Ludwigstroos esch. Die Stroos hadd frieher Faawer
Streesel ghääse. Ich känn des äch noch sow, weil ich dord gewund häbb. |
| Feierwehr |
Mey ganze Ungels woren bei de Feierwehr. Des wor hald sow frieher, do hadd
ma hald was gedu feer sei Dorf. Un heid rennense mid äm Handy durch de Wald un rufen
gleich a, wennse die Kippe ins Lääb schmeiße. |
| Fixfeier |
Domid sinn die "Zündhölzer" gemäänd |
G |
| Gäjffel |
Des esch äh klännie Stecknoodel |
| Gordepeschdels Anna |
die esch schunn gschdorwe, Gott hab se selich, die gut Frää |
| Gouff |
Des esch schunn faschd nimmie wohr, die Gouff känne nur noch weniche un
des wor äch schunn vor mejner Zeit sow. Domidd esdch äh "Brosche" gemäänd.
Sow was braucht ma hald heid nimmi. |
| glieerichhääs |
Des esch noch wermer wie hääs, glieerichhääs hald |
| groozich |
groozich esch was wann de Schimmel schunn driwwergeht. Igitt - bäh |
| Grummbeere |
Domid sinn "Kartoffel" gemäänd |
| Gutsel |
Doimit sinn "Bonbons" gemäänd |
H |
| häh |
Des muschd ganz korz ausspreche dann esch´s richdich, un hääsd soveel
wie "Wie bitte" |
| Hääschde |
Des hääsd hald "Hauenstein" sunschd nix |
| Hämdsärmlich |
Des esch sow wend äh Hämd mit 1/2 Ärmel ahhoschd. |
| Händsching |
Wänns draus saukalt esch, dann brauchschd Händsching um richdich woorme
Händ zu grieche, domid sin "Handschuhe" gemäänd |
I
, J |
| Ihms |
S´ kann äch ä Säächihms sei die es noch veel schlimmer. Ä Ihms esch
ä "Ameise" und äh Säächihm esch äh "Rote Ameise" |
K |
| Käwwer |
des sinn sowfer Krabbeldiere "Käfer" halt |
| Kerwe |
Domid esch die "Kirchweihe" gemäänd |
| Keschde |
Die gäbt´s im Herbschd un schägge saugut zu neiem Wey. Fer die
Tourischde: domit sinn "Kastanien" gemäänd un "die schmecken richtig gut
zu neuem Wein" Die Keschde wachsem iwwrichends äch uff de Bääm, awwer die steyn in
de Neh vun Velgerschweiler. |
| Kneib/p |
Domid esch äh schorfes Mässer gemäänd orrer die Junge Leid mähnen
domid ä "Gastwirtschaft". Die ganz Junge in Häschde gehn ins Loch frieher wors
de Molly, an dänn kann ich mich sogor noch errinnere. |
L |
| lätz |
falsch hald - lätzherum = falschrum |
| M |
| malaad |
des esch mer wammer im Bedd bleiwe muss weil mer hald krank esch. |
| Meddselsubb |
Im Zeidalder vun BSE gäbds kaum noch Meddselsubb. Hergezochene känne die
Meddselsubb unner der Bezeichnung "Schlachtfest" |
| Millich |
Die hadd mer ganz frier, bei de Paula in de Schulstroos hole misse. domid
esch "Milch" gemäänt |
N |
| Nachd |
S´ gechedähl vun Daach |
O |
| Ochdem |
Ochdem brauchschd um schnaufe zu kinne. Uff Hochdeitsch hääsd das
"Atem". |
| owwachd |
s´sellwe wie "Achtung" - uffbasse muschd dann hald schunn
sälwer. |
P |
| |
mid "P" gäbbts noch nix |
Q |
| |
mid "Q" gäbbts noch nix |
R |
| Rotznaas |
Des esch endwerrer ä Nas wo lääfd orrer ä saufräches Kind |
| runnerzuus |
hääsd eigentlich "herab" unn nuffzuus esch´s gechedähl
defuu. |
S |
| Schuhfawwerigg |
Esch Schuhfabrik s´gäbbd blows faschd kä mie |
| Saggduch |
Heid hääsds "Tempo" orrer "Taschentuch" |
| Schbreisel |
Wand sow äns dirn haschd, dann haschd äh Broblem, des esch nähmlich ein
"Splitter" meischdens irchendwu im Finger. |
| schlorbse |
Dud mar wammer die Fies nit houchgricht, un die Soule abschläft uffem
Borre. Die junge Leid losse sogor die Schuckneschdel uff, damit se noch besser schlorbse
kinne. |
| Schobbe |
das wääschd wand ämol uff ähm Weyfeschd in de Vorrerpalz worschd, denn
dort gäbbts nur Schobbegläser. Äh Schobbe esch ä "halber Liter" |
| Sdaubsaucher |
Nä mer sachen nidd Stääbsäächer, des dun vieleichd die Dahner sache
awwer mer nidd. Un domit esch äh "Staubsauger" gemäänd |
T |
| |
mid "T" gäbbts noch nix |
U |
| uffgedunnerd |
Das kammer faschd kaum beschreiwe, uffgedunnerd esch äh Fräh wannse sich
rausbutzt wie ä Pingschdox. Uff Hochdeitsch hääsd das "aufgedonnert" |
| uuguud |
Esch halt nidd sou guud, uuguud hald |
V |
| |
mid "V" gäbbts noch nix |
W |
| woigse |
duuschd bevoor de koddse muschd. Meischdens haschd zu veel gsoffe dass es
sow weid kummd. |
X
, Y |
| Xangbuuch |
Manche schreiwe äch Xambuuch awwer des esch hald mol de klänne
unnerschied zwischem Owwerdorf un Unnerdorf. Gemäänd esch domidd awwer äh
"Gesangbuch" meischdens brauchd mer das ferr in die Kerch |
Z |
| Zuggerbibbel |
Heid hääsds "Bonbon" |
